Familia eta neska-mutiko asko dira minbiziaren aurkako borrokan ari direnak eta Haur Minbiziaren Nazioarteko Eguna izanda pandemia egoeran egonda ere haur minbiziaren diagnostikoa garaiz egitea eskatzen dute Aspanogi, Aspanovas eta Aspanafoa elkarteetatik uste dutelako egungo egoerak zailtasun berriak ekarri dituela eta horrek sufrimendua areagotzen duela. Sendagileen eta osasun langileen lanak ez du preziorik, baina haurrak bakartuago daude, isolatuago, eta jolasteko eta entretenitzeko aukera gutxiago dituzte. Bisitak ere oso mugatuak dira.

Haur minbiziaren inguruan kontzientzia bultzatu nahi da; izan ere, 2021ean COVID-19 pandemia mundialak jarraitzen du izaten gai nagusi, eta bete hainbat gaixotasun eta giza errealitate atzean utzi dira bigarren mailako balioa emanaz.

Minbizia duten haur eta nerabeen errealitatea lehen lerrora ekartzeko Gipuzkoan, esaterako, gereziondo txiki bat landatuko dute Donostiako Ospitale Unibertsitariotik gertu dagoen udal lorategi batean. Gereziondo txiki horrek buelta guztia ematen dion plaka bat du eta bertan elebitan honako aipamena du: “Zuen oroitzapena gure indarra”.

Joan dadila hemendik gure indarra neska-mutiko, osasun langile eta senitarteko guztiei.

Bizipoza elkarteak Eñaut Elorrieta abeslariaren, Amaia Agirre bertsolariaren eta Xabier Zabala musikariaren parte hartzearekin argitaratutako Piraten indarra kantua duzue ondorengo bideoan.