SARS-COV-2 birusa, COVID-19 ,pandemia, konfinamendua, koarentena, eskolara itzultzea, neurri berriak eta aldakorrak… ziurgabetasun egoeran bizi gara. Koronabirusak bizi garen mundua edozein momentutan alda daitekeela egiaztatu digu. Ziurgabetasun ekonomiko, politiko eta sozialak eragindako estresak etorkizuna planifikatzea, etorkizun hurbila bada ere, ezinezkoa dela pentsatzera eraman gaitzake. Egoera honek pertsona askorengan segurtasun ezaren sentsazioa areagotu baino ez du egin. Hala ere, ziurgabetasun garaia bada ere, haurrek hazten eta garatzen jarraitu behar dute. Haurrek erantzun beharreko premiak eta gaitasunak dituzte oraindik ere: sozializatzea, beren autonomia, mugimendua, trebetasun espaziala, trebetasun kritikoa… garatzeko prozesuan daude. Granadako Unibertsitateko ikerlariek (UGR)3 eskolara modu aktiboan (oinez zein bizikletaz) joateak haurren autoestimua, autonomia eta osasuna hobetzen duela egiztatu dute. Pandemiaren aurrean areagotu egiten dira onura horiek, sistema immunologikoa eta kardiobaskularra indartzen dituztelako. Hau da, COVID-19ak gehien kaltetzen dituenak. Honez gain, loditasuna prebenitzen edo eta murrizten lagun dezake ere. Hortaz, Haurrei autonomia itzultzeko garaia da, eta eskola bideak estrategia ona dira horretarako. Euren helburu nagusia, hain zuzen ere, hirian haurren autonomia eta mugikortasuna sustatzea delako

Eusko Jaurlaritzako Osasun Publikoaren eta Adikzioen Zuzendaritzaren, Osasuna Sustatzeko Arloko arduradun teknikoek, Euskal Herriko Unibertsitateko (UPV-EHU), KideON ikerketa-taldeak eta Haurren Hirien Sareak (Solasgune eta Innobasque) egindako txostenetik ekarri dugu testu hau.