Oinherri herri hezitzaileak sustatzeko elkartetik, ostiralean otsailaren 19an, Zumaian antolatu dituzten jardunaldietan izen ematea itxiko da gaur.

Herri hezitzaileen sarea osatzen duten herri askok elkarbanatu dute beraiekin , eskola kirolaren inguruan hausnartu eta eraldaketa prozesu bat martxan jartzeko (edo sakontzeko) nahia eta beharra.

Ondorioz, ESKOLA KIROLA ERALDATZEN izeneko topaketak irekiak antolatu ditugzte . Bertan, eskola kirola balioetan hezteko tresna moduan garatzeko marko teoriko bat landuko da eta, Oinherritik sustatzen ari diren herri hezitzaileen sareko lau herritako esperientziak/praktika onak ezagutu ahal izango dira.

EGITARAUA:

09:30- Ongi etorria

10:00- Eskola kirolaren txapel teorikoa- Andu Martinez de Rituerto Arregi

10:30- Gipuzkoako Foru Aldundian azken urteetan hartutako norabidea-Unai Asurmendi Etxarte

10:45- Gipuzkoako Kirol egokituko federazioaren ikuspuntua- Amaia Elizondo Martiarena

11:15- Atsedena

11:30- Herrien esperientzia elkarbanatzeko mahaingurua. 

  • Olaia Eizagirre Herrero (Hernani)
  • Yune Gonzalez Egileor(Oarsoaldea)
  • Isma Zubia Txintxurreta (Oñati)
  • Iban Maritxalar Elizondo (Usurbil) 

13:00- Itxiera