Merienda osasungarri eta goxo bat egiteko proposamena da gaurkoan proposatzen dizueguna: batez ere Estatu Batuetan ezaguna den Banana ogia edo bread banana.

Eta zergatik? Esan bezala, oso egokia da haurren dietarako: platanoak oso aberatsak dira karbohidratoetan eta gosea azkar asetzen dute. Gainera, potasio edukiak gorputzeko ura orekatzen laguntzen du, sodioa indargabetzen eta likidoak ezabatzen laguntzen baitu. Baina bestetik, bitxia den arren, errezeta honen egun gastronomikoa izan da aste honetan; zehazki, otsailaren 23an.

Osagaiak:

  • Platano helduak (kikara 1 = gutxi gorabehera 4 platano)
  • Limoi zukua (koilarakada 1)
  • Irina (2 kikara)Esnea (3 koilarakada)
  • Legamia-hautsa (koilarakada 1)Gatza (koilarakada erdi)
  • Gurina (kikara erdi)
  • Azukrea (kikara 1)
  • Arrautzak (2)
  • Txokolate xehatua (nahi beste)

Nola egin?

1. Platanoak bol batean birrindu, sardexkaren laguntzaz

2. Platanoak, esnea eta limoi-zukua irabiatu. Eta gehitu gurina eta azukrea ere, apurka-apurka.

3. Ondoren, gehitu arrautzak banan-banan.

4. Gehitu bahetutako irina legamiarekin eta gatzarekin. Eta azkenik, batu txikitutako intxaurrak eta txikitutako txokolatea ere.

5. Labera sartzeko txanda! Ezer baino lehen garrantzitsua izango da gure moldea koipeztatzea eta irineztatzea (gure ogia itsatsita gera ez dadin).

6. Egindako nahasketa moldera bota, eta nahi izanez gero, platano oso bat gehitu, luzetara zatituta.

7. Aurrez berotutako labean sartuko dugu gure banana ogia, 180 ° C-tan, 30-45 minutuz.

ON EGIN!

Etiketak: