Oporrak Bakean programaren helburua da urtero, udako bi hilabeteetan zehar, 10 eta 12 urte bitarteko saharar haur errefuxiatuak familia euskaldunetan edo udalekuetan harreran hartzea.

Programa honen bitartez, haur sahararrek uda basamortutik eta errefuxiatu kanpamentuetatik kanpo pasatzeko aukera dute, eta familia euskaldunek Herri Sahararra lagundu eta beste kultura batekin elkar bizitzeko aukera. Ikusi programaren helburuak.

Guk Bizipoza elkarteak kaleratutako “Mundu berri bat GUZTIONTZAT” proiektua baliatuz elkarteak ezagutzen jarraitzeko asmoa dugu. Oporrak Bakean elkarteko Eli Eizagirrerekin hitz egin dugu elkartea eta Saharar errefuxiatuetako egungo egoeraren berri izateko.

Oporrak Bakean kide ezberdinek osatutako talde bat da, programa antolatu ahal izateko beharrezkoak dira denak; harrera familiak, elkarte edota udalak, Oporrak Bakean lan taldea, Fronte Polisarioaren Ordezkaritza Euskadin, SEADeko Gazteria Ministerioa eta Familia sahararrak.

Bideoklipa