Martxoaren 11an Ibai Esteibarlandak hitzaldia eskaini zuen Bergarako Seminarixoan. Hiritik At kooperatibako kideak, Herri Hezitzaileak pedagogiatik haratago nola ikusten dituzten azaldu zuen, haurrei begiratzetik haratagoko herri hezitzaileaz aritu zen hain zuzen.

Izan ere, herriak, denen heziketa eta ikaskuntza bermatzen dituzten espazioak beharko luketela bultzatzen du.
Hori lortzeko beharrezko ikusten dituzten 5 lerro estrategikoak azaldu zituen:
• Lurraldearen oreka
• Deshazkundea
• Oinarrizko behar eta zerbitzuak merkatutik ateratzea
• Hiriak bernaturalizatzea
• Mugikortasun eredua eta kaleen berjabetzea
Funtsean, aniztasunean harremantzea eta heztea bermatuko dituzten espazio anitzak eta aberatsak sortzea, hauetaz hausnartzea, memoriari lekua ematea, orekak aurkitzea…