Hilabete honetan etxean aurkitzen  ditugun tapakiak bildu eta hauekin sortzeko ariketa proposatu nahi dizuegu. Guk, tamaina eta mota ezberdinetako tapak bildu genituen eta etxean erabilgarri  genuen materialarekin batera sortu genuen. Itsatsi, moztu,  kendu…  frogak eginez animaliak sortu genituen, ea zuek  zer asmatzen duzuen!

Papera eta kartoiaz gain naturako elementuak ere erabiltzea gustatzen zaigu, hostoak erabili genituen.

Materiala

Etxean bildutako tapak, tapoiak…

Papera kartoia edo etxean erabilgarri  duzuena

Guraizeak

Kola

Pausuak

  1. Etxeko tapa guztiak batu ditugu
  2. Mahai gainera atera dugu  eskura dugun  eta egoki ikusten dugun materiala, papera, hostoak, begitxoak…
  3. Tapaki txikienekin ere sor dezakegu zerbait. Guk txakur (edo lehoia) egin dugu
  4. Moztu, itsatsi, gehitu kendu… frogak egin!
  5. Naturako elementuak ere erabili ditugu
  6. Arrainak, txoriak, aurpegiak… ea zer asmatzen duzuen zuek