Ibone Olza, Haur psikiatra eta psikiatra perinatala, ama eta ekintzailea da. Bere blogean martxoaren 8an argitaratu zuen sarrera hau ekarri dugu guraso.eus era. Sarrera honetan, Erditze garaian Haloperidol izeneko sustantzi baten erabilera salatzen du.

“Beste zerbait jarriko zidatela esan zidaten,” Lasaitzeko “. Ez dakit zer demonio zeramatzan “nahasketa” deitzen zioten horrek, baina hortik aurrera, nire gaineko eta gertatzen ari zitzaidanaren gaineko kontrol guztia galdu nuen. Laburbilduz: erditzean eta kanporatze-aldian ni konorterik gabe geratzen nintzen eta zaplastekoka esnatzen ninduten bultza egiteko eskatuz, edo zuzenean esnatzen nintzen uzkurduren minaren ondorioz “

Erditzean haloperidola ziztatu zioten emakume baten testigantza da. Erditzean haloperidolaren erabilera desagerrarazteko kanpaina abiarazi genuen “El Parto es nuestro” elkartetik. Aitortzen dut gai honek barruak nahasten dizkidala. Erditzeko momentuan  haloperidol anpulu erdi bat ematen  dizutela imajinatze hutsa  oso gogorra egiten zait. Guardiako psikiatra naizen aldetik, hamaika aldiz zulatu dut haloperidola: asaldura psikomotorrerako botika bikaina da. Minutu gutxiren buruan, paziente asaldatua lasai – lasai geratzen da. Hori bera emakume bati erditze-lanetan ematea, goragalea kenduko diola aitzakiatzat hartuta, justifika ezina da. Nire ustez, hainbatek ukatzen duten indarkeria obstetriko horren muturreko adibide bat da. Ez dakit bestela nola izendatu daitekeen,  emakume heldu bati psikofarmako, antipsikotiko eta lasaigarri handi bat  ematea informaziorik eman gabe (“lasaigarri” bat emango zaiela esan ohi zaie), baimen informaturik gabe. Eraso garbi  bat da, baita administratzen duen profesionalak irakatsi diotena egiten duela eta antipsikotikoa dela ez dakiela esaten badu ere, emagin batek edo mediku batek esan al dezake ez dakiela ziztatzen ari den zer den?

Duela zazpi urte argitaratu nuen Haloperidol eta mepedirina erditzean izeneko  sarrera hau, non esaten bainuen praktika horren berri izan nuenean ezin nuela sinetsi. Urte askotan esan gaitzetsi izan dut,  ospitale eta hitzaldi askotan, baina oraindik ere gertatzen da (nahiz eta oso zaila den, ezinezkoa ia ia jakitea zein maiztasunekin). Iaz, ama batek auzitegietan salatu zuen eta peritu gisa deklaratzera deitu ninduten aurtengo urtarrilean. Egia esan, epaileak entzun zidala sentitu nuen, hainbeste ezen, deklaratzen bukatzean, ia erregutuz esan nion : “Mesedez, praktika hori debekatu eta zigortu egin behar da”. Toxikologiako adituek diotenez, haloperidola erditzean erabiltzen ari den bezala, sumisio kimikoko kasu bat dela. Erditzean enbarazu gehien egiten duten emakumeak paretik kentzeko modu bat. Asmoa ez da hori beti, baina nahikoa da kasu batzuetan hala izatea, gaia oso larria dela adierazteko.