Zaletasun polita eta lasaigarria da zeramikaren mundua. Bergarako Buztinzale eta Zeramika Elkarteak herriko gazteentzako lau eguneko tailerra antolatu du.

Amaia Jauregiren gidaritzapean hainbat zeramika pieza egin dituzte. “Haurrek ukitu berezi bat ematen diote bakoitzaren piezari”, azaltzen du. “Buztinezko pieza egin ondoren, txunditurik gelditzen dira emaitzarekin”.

Tornua erabiltzeko saiakerak ere egin dituzte. “Prozesu luzea da. Tornuan egindako piezak egiteko pauso asko jarraitu behar dira eta bizpahiru hilabete pasa daitezke guztiz amaitu arte”.