Heike Freire psikologian eta filosofian lizentziatua da Parisko Unibertsitatean. Frantziako Gobernuaren aholkularia izan zen. Hainbat proiektu pedagogiko bultzatu ditu, eta haurtzaro, natura, demokrazia, arte eta hezkuntzari buruzko ohiko kolaboratzailea da hainbat aldizkaritan, hala nola Cuadernos de Pedagogia, Aula, Escritura e Imagen, Integral, Crianza Natural, Frontera Digital, El rapto de Europa eta Vivir en Familia aldizkarietan. “Educar en verde” izeneko liburua euskarara ekarri zuen Txatxilipurdi elkarteak. Berdean hezi.

Bere liburuan dio haurrak, gizarteko gainerakoak bezala, naturari bizkar emanda bizi direla.

“Mundu artifiziala, abstraktua sortu diegu umeei” . Eskolan, loreak, animaliak, plastikozkoak dira. Niretzat, berdez heztea naturarekiko lotura erreala berreskuratzea da, eta naturak haurrak ere behar dituela onartzea. Ingurumen-hezkuntzaren adibide gisa haurrei ordenagailuaren aurrean naturarekin lotutako gaiak aurkeztea okerra da.

Gaur egun, haurtzaroko arazo asko, hala nola estresa, obesitatea, depresioa edo hiperaktibitatea, naturarekin harremanik ez egoteagatik gerta daitezke.

Txatxilipurdi Elkarteak argitaratu zuen 2. Liburua izan zen “Berdean hezi”. Diego Martiartu Zugastik egin zituen itzultzaile lanak eta Maddi Urizar Altunak ilustratu zuen azala.

Heike Freirek liburuan honela dio: “Haurrek beharrezkoa dute natura. Berez zaie erakargarria. Naturarekiko kontaktuan, modu osasungarrian garatzen dira arlo guztietan: arlo fisikoan, emozionalean, mentalean, sozialean eta espiritualean. Aire zabalean eta biziarekiko interakzioan egotea (behintzat leku itxietan egoten diren bezain luzaro) haurren oinarrizko eskubidea izan (eta hala erabili) beharko litzateke gure gizarteetan.

Hori lortzeko bidean inplikatzeko prest dauden pertsona, guraso eta hezitzaile guztiei zuzenduta dago liburu hau.”