Gurasoei, hezitzaileei eta familiei bideratutako aldizkaria da Hazi Hezi. Hik Hasi egitasmo pedagogikoaren baitan sortutako aldizkaria da eta urtaroko ale bat argitaratzen dute.

“Heziketa komunitate guztiaren egitekoa dela ulertzen dugu. Guztiei zuzenduta dago Hazi Hezi: gurasoak, hezitzaileak, aitona-amonak, izeba-osabak…”

Halaxe esan ziguten Hik hasiko lagunek proiektua ezagutarazteko orain dela urte batzuk egindako elkarrizketan . Orain 39. alea, negukoa dugu eskuartean, “Kultura ura bezala” errportaiari eman diote azaleko argazkia eta berau da ale honetako gai nagusia.

Gurasotasunaz eta hazieraz euskaraz hausnartzeko dugun tresna hau balioan jartzea ezinestekoa iruditzen zaigu. 39. ale honetan aipatutako gai nagusiaz gain aldizkari guztietan errepikatzen diren ohiko atalak ere aurkituko ditugu:

Elakrrizketa nagusia Anna Ramisi egin diote. Hezitzailea, pedagogoa eta pantailekiko mendekotasun goiztiarrean aditua da Ramis, 0 urtetik 3 urtera pantailarik ez? liburuaren egilea da eta izen bereko kanpaina ere jarri du abian. Hik Hasik joan den azaroaren 19an eta 20an antolatutako Pantailak 0-6an, zertarako? jardunaldietan parte hartu zuen kataluniarrak eta elkarrizketa mamitsua argitaratu dute.

Haurdunaldia, Lehen urteakUrte gozoak, Nerabezaroa, Mintzoa… atalak ere aurkituko ditugu.

Kolaboratzaile eta erredakzio talde ederrak beti zihurtatzen dituzte kalitatezko eduki eta hausnarketak. Ezinbestekoa hezkuntza egitasmoentzako.