Oñatiko Txantxiku Ikastolako Haur Hezkuntzako laugarren mailako ikasleak oiloen eta txiten mundua ezagutzen aritu dira.

Hala, 21 egunetan ernaldutako arrautzak zaintzen egon dira inkubagailuan, eta ondoren, hamahiru txita jaio dira.

Hemendik aurrera, diote euren txitak “poz-pozik” biziko direla hainbat oilategitan, baina orain arteko prozesu guztia gertutik jarraitu dute, egunez egun gertatu diren garapenak ikusten eta horiek aztertzen.

Adierazi dute esperientzia “oso polita” izan dela haurrentzat eta beste maila batzuetako ikasleek ere izan dituzte jaio diren txitak ezagutzeko aukera.

Prozesua erakusten duen bideo bat ere egin dute eta behean dago ikusgai.