Dolu perinatala gizarteratzeko ahaleginean ari dira hainbat eta hainbat lagun azkenaldian. Dolu laguntzailea da Eider Otxoa aretxabaletarrak eta Esku Hutsik elkarteko kide ere bada. Hilda jaiotzen diren haurren inguruan dauden hutsuneez zein familiek egin beharreko dolu prozesuan laguntzeko eman beharreko urratsez aritu da. Tramite burokratikoak arintzeko, Osakidetzan protokolo bateratua lantzeko, profesionalei formakuntza egokia emateko edota familiei eman beharreko arreta hobetzeko eskaera egiten du, besteak beste.