Hernani aldean sortu den egitasmo baten berri eman nahi dugu gaurkoan. Haziak egitasmoa 2021. urtean sortu zuten Haizea Calvo eta Olga Herrerak. Elkartearen asmoa amatasun eta aitatasunean bidelaguntza eskaintzea da,  epairik gabeko begirada kontziente eta erreal batetik.

Espazio fisiko finkorik gabe hitzaldi tailer eta formazio ezberdinak antolatu izan dituzte azken urtean eta honek harreman asko sortzea ahalbidetu die, bai familia ezberdinekin bai eta aditu eta arituekin. Beraien instagrameko perfila da  egiten dutenaren berri izateko modurik eraginkorrena. Guk ohitura dugun moduan, elkarrizketa egin diegu, kasu honetan Haizea Calvorekin hitz egin dugu elkartearen berri zuzenean izateko.