Leire Azpiazu erizaina da eta haurtxoek jantzi beharreko pijama motez aritu da bere sare sozialetan, askotan zalantza izaten baita pieza batekoak ala bikoak, zein jantzi haurtxoari.

Pijamak adinaren arabera aukeratu behar direla dio; izan ere, jaioberrientzat irekidura dutenak praktikoagoak direla dio pixoihalak ahalik eta errazen aldatzeko. Hala ere, beti kotoizkoak direnak aukeratu behar direla adierazi du, haurraren azalak transpiratu dezan.

Erizainak bere iritzia eman du esanez, pieza bateko pijama aukeratuko lukeela bi urtera arteko umetxoentzat: “Horrela, ziurtatzen dugu haurraren tripa beti estalita egongo dela. Batik bat, izarekin estaltzea gustatzen ez bazaie”.

Beste aukera batzuk pelele izenekoak izango lirateke. Azaldu duenez, “umearen gorputza guztiz tapatzeko aproposak dira. Gainera, etxean edota kalean erabil daitezke”.

Neguan sartuko gara berehala, baina dagoeneko hotz egiten hasi da. Hortaz, zakua aukeratzerako orduan horren TOG-a kontuan izan behar dela dio jakiteko ze lodiera duen, modu horretan jakiten baita zenbat berotuko duen haurra eta “gelako tenperatura egokia aukeratuko duzu”.