Eguneroko kezka iturria izaten da seme-alabei askaritan zer prestatuko diogun: bokata? Zukua? Beste zerbait hobe? Carolina Hernandez ama nahiz pediatra da eta hainbat gomendio argitaratu ditu bere Instagram kontuan; hain zuzen ere, @carolina_pedriatra kontuan.

Dioenez, askotan pediatrek gomendatzen dute haurrei zukuak, irabiakiak edota gailetak ez ematea. Horregatik, zenbait ideia bota ditu.

  1. Zukuen edo fruten poltsatxoen ordez, fruta freskoa ematea egokiagoa dela dio.
  2. Irabiaki edo freskagarrien ordez, esnea.
  3. Gaileta edo opildegia eman beharrean, fruitu lehorrak ematea hobeto dela dio. Gogorarazi du, bost urtetik beherakoei ez zaizkiela fruitu lehorrak osorik eman behar eztarri-trabatze arriskuagatik.
  4. Azukredun esnekak eman beharrean, hobe da jogurt naturala ematea.
  5. Eta ogi zuriaren ordez, integrala.
  6. Ohitura handia dago bokatetan hestebeteak edota patea jartzeko. Otartekoa prestatzeko zenbait eligakai gomendatu ditu: olioa, tomatea, ahuakatea, arrautza, atuna…