Zenbaitetan proposatu ditugu Ekoetxeak antolatzen dituen jarduerak eta beste behin ere hitz egin dugu Azpeitian (Gipuzkoa) dagoen Xaguxatar parkeaz. Izen bereko ibilbidea ere badago Azpeitian, datozen asteetan emango ditugu horren xehetasunak udan egiteko irteera aproposa izan baitaiteke.

Hala ere, norbaitek ezagutu nahi badu, Xaguxatar Bidearen eguna antolatu dute domekan Ekoetxeak antolatzen dituen Familia ekintzen barruan. Familia osoari zuzendutako proposamena da, eta parte hartzeko aurrez izena eman beharko da Azpeitiko Ekoetxean edo hurrengo loturan.

Izena ematen dutenak goizeko 10:00etan abiatuko dira Ekoetxearen aurretik, eta hiru ordu inguruko txangoa egingo dute. Ibilbideak 6,5 kilometro ditu eta Azpeitiko txoko ezberdinetatik igarotzen da. Altxorraren bila jolasaren antzera egingo dute oinezko bidea; izan ere, geldiune bakoitzean hainbat proba gainditu beharko dituzte haurrek Azpeitiko Altxorra zein den jakiteko.