Helduok jarri behar diogu muga gailu elektronikoen erabilerari, baina nola egin hori modu egoki batean? Guraso askoren buruhauste nagusietako bat da honakoa udan.

Uda aisialdiaren sinonimoa da gure seme-alabentzat. Eta zenbat eta denbora libre gehiago, orduan eta denbora gehiago aspertzeko. Ziur gure seme-alabek behin baino gehiagotan esan digutela “Amatxo! Aitatxo! Aspertuta nagooooo!”. Jolasak, liburuak edo papera ematen dizkiegu marrazteko, baina aspertzen jarraitzen dutela diote. Horregatik, pantailetara jotzen dugu. Telebista aurrean jartzen ditugu marrazki bizidun gogokoenekin edo tableta ematen diegu nahi dutena ikus dezaten.

Teknologia gure egunerokoan dago, eta debekua ez epe luzera eraginkorra izaten, baina irakatsi behar diegu umeei, txikiak direnetik, teknologia ondo erabiltzen eta dugun denbora libre guztia ezin dela pantailen aurrean eman. Hala, guk jarri behar dizkiogu mugak pantailen erabilerari, eta askoz hobeto txikiak direnetik egiten badugu. Gure seme-alabei asko gustatzen zaizkie pantailak, baina ez dakite haien aurrean denbora asko emateak zer nolako ondorioak ekar ditzakeen.

Orain, udan, gogorarazi behar diegu denbora libre gehiago izan arren, pantailekiko mugak berdinak direla. Adibidez, muga baldin bada: “Igandeetan bakarrik jokatzen da bideo-jokoetan”, muga hori beti bete behar da, baita lehen baino denbora libre gehiago izanda ere. Ez dugu amore eman behar gure semea aspertzen delako edo emozionalki gaizki gaudelako. Gurekin haserretuko dira. Emozio hori normala da, eta beraiekin egon behar dugu pasatzen zaien arte, baina ez dugu amore eman behar eta pantailekin egoten utzi behar, gurekin haserretzen direlako. Gero, adin handiagoarekin, normala da mugak aldatzea, baldintzak negoziatzea eta lagunekin komunikatzeko duten beharra kontuan hartzea.

Eman pantailen ordezko aukerak

Pantailarik erabiltzea nahi ez badugu aisialdirako aukerak eskaini behar dizkiegu. Interesgarria daerakustea zein garrantzitsua den berdinekin aurrez aurre harremanak izatea, taldean jardutea, irakurketa bezalako jarduerak egitea… Hona hemen egin ditzaketen aukera eta jarduera batzuk:

  • Pinturak
  • Eranskailu-liburuak
  • Plastilina
  • Adimen-jokoak
  • Liburuak
  • Txantxak eta txisteak kontatzea
  • Istorioak edo igarkizunak kontatzea
  • Elkarrekin abestea
  • Jostailuak eta eraikuntzak
  • Naturako jarduerak
  • Ur-gerrak
  • Hondartzara/igerilekura joan, ahal bada
  • Lagunak etxera gonbidatzen uztea
  • Mahai-jokoak
  • Udalekuak

Bizitza digitalean lagun izan

Gailu digitalez inguratuta bizi gara eta bizitza digitalean aurrera egiten duten honetan garrantzitsua da bidea umeekin batera egitea, laguntzea.

  • Helaraz iezaiozu babesari eta arriskuei buruzko informazioa, beren pentsamendu kritikoa erabiltzen laguntzeko. Seme-alabak etxetik bakarrik ateratzen hasten direnean arrotzekin ez joaten erakusten diegun moduan, funtsezkoa da sare sozialetan edo Interneten aurki daitezkeen arriskuak azaltzea.
  • Itzali telebista otorduetan.
  • Eraman errutina finko bat, non pantailek ordutegi jakin bat izango duten.
  • Jarri gailu elektronikoak eremu komunetan.
  • Pantailarik gabeko logelak bultzatu.
  • Interesatu Interneten eta sare sozialetan kontsumitzen dutenaz.