Zineskola programak euskarazko filmak ikusteko aukera eskaintzen die euskaraz eskolaratutako Ipar Euskal Herriko ikasleei. Haientzako bereziki antolatutako emanaldiak dira eta 11 zinema-aretotan burutu dira saio horiek.

Guztira, 4.334 ikaslek izan dute programan parte hartzeko aukera eta Euskal Kultur Erakundeak lanean jarraitzen du hurrengo ikasturtean ere egitasmoak jarraipena izan dezan.

Euskal Kultur Erakundeak hainbat bidelagun ditu Zineskola programa aurrera eramateko: Cinéma & Cultures, Cinévasion, Zineuskadi, IKAS zentro pedagogikoa eta Frantziako Hezkuntza Ministerioa. Programaren helburua da euskarazko lehen hezkuntzako irakasle aukera eskaintzea ikasleekin euskarazko zinemara hurbilketa pedagogiko bat egitea.

2023an ikasleek ikusi dituzte bi film: Barraskiloa eta Balea eta Orkestra Lurtarra.

Zenbakiak honakoak izan dira:

  • 2 film Iparraldeko 11 zinema-aretotan.
  • 119 emanaldi.
  • 92 ikastetxe.
  • 4.334 ikasle.