Azken 15 urteetan analogikotik digitalerako jauzia eman ostean, modu digitalean heztearen erronka ez da makala. “Analogikoan hezten badakigu. Imitazio bidez, haurrari errepidea igarotzen irakatsi diezaiokegu, edo marrazten. Baina gaur egungo etxeetan digitalean hezterako orduan zalantza askoren aurrean aurkitzen gara. Eta natibo digitaltzat dauzkagun haurrei, inolako aurretiazko prestakuntza edo argibide zehatzik gabe, internetera konexioa duen gailu bat uzten diegu eskura. Ondorioz, umezurtz digitalak direla esaten da gailuaren erabilera desegokia egitera daramatzatenak”, azaltzen dute Izarkometik.

“Izarkomen gure bazkideen beharrei erantzuten saiatu izan gara beti eta bada azken hilabete hauetan zabaldu den kezka bat. Noiz eta nola eman bihar diegu nerabeei lehen mugikorra? Galdera honek erantzun zuzenik ez badu ere, gure etxeetako ingurune digitala ahalik eta errespetuzkoena, hezitzaileena eta pedagogikoena izan dadin gida bat egitea beharrezko jo dugu. Gida honetan gailu bat eskuratzeko beharrak identifikatu, erabilerari buruzko kontzientzia hartu, horren gainean hausnartu eta azkenik, erabilerari buruzko akordio bat egiteko baliabideak eman nahi ditugu”.

Izarkomeko arduradunek argi dute mugikorraren erabilera kontziente bat egiteko behetik gorako ibilbidea egin behar dela, erabilera horren konplexutasun txikienetik handienera, eta ezagutza maila apalagotik handiagora. “Urtetako ibilbidea da: haurtzarotik eta nerabezarotik hasi, eta 18 urte inguru artekoa”.

Gida berria

Izaskomek Durangoko Azokako Kabi@n teknologia eta kultura libreen gunean aurkeztu du Nerabeek mugikorra izate bidean laguntzeko helduntzako gida. Hemen dago eskuragarri.