Gaur, otsailak 15, Haur Minbiziaren Nazioarteko Eguna da. Euskal Autonomia Erkidegoan urtero milioi bat biztanletik 160 pertsonari eragiten die gaixotasunak. Mutilen kasuan, %58ari eta neskenean, %42ari.

Egun hau dela eta Eusko Jaurlaritzako Osasun Sailak Euskadiko Minbiziaren Erregistroaren azken datuen berri eman du. Euskadin minbizia duten 15 urtetik beherako gazteen biziraupena hobetu egin dela diote datuok; %80koa da bost urtera (gaixotasunaz libre) ohikoenak diren tumore gaiztoen kasuan.

Osakidetzaren esanetan, gaur egun diagnostikoan zehaztasun handiagoarekin egiten da lan, eta aukera terapeutikoak ere “asko” hobetu dira. Gainera, diotenez, “pixkanaka bada ere, baina modu progresiboan”, behera egiten ari da heriotza-tasa.

Linfomak dira, leuzemiekin batera, umeen artean ohikoenak diren minbiziak, ia erdia baitira (% 47). Horien atzetik daude nerbio-sistemako tumore gaiztoak (% 15) eta beste tumore solido batzuk, hala nola neuroblastomak, ehun bigunetako sarkomak eta hezurretako tumoreak (% 38).