Captura de pantalla 2014-11-28 a las 13.20.33

Harkaitz Canoren lanak eskuratu du Haur eta Gazte Literaturako Euskadi saria.

Lehenago ere irabazitakoa da Cano Euskadi saria, helduen literatura alorrean: 2005ean Belarraren ahoa, eta 2012an Twist. Haur eta Gazte Literaturako saria lehendabizikoz eskuratu du, ordea.

Orkestra lurtarra (Elkar, 2013) lanean, Manuk orkestra bat sortu nahi du eta bertan joko duten lagunen bila hasiko da. Horrela, topatuko ditu Lurrinetti anaiak, tronpeta jotzeaz gain Presidente izeneko ahuntz bat dutenak; Aldika izeneko biolin-jotzaile bat; Osoki deritzon triangelu-jolea; Crocanti izozki-saltzaile eta kontratenorra… Denen artean musikarik zoroena eta zoragarriena sortuko dute, baita hainbat abentura bizi ere, umorez eta irudimenez beteak.