Miren Camison haur filosofian aditua da eta ibilbide luzekoa beste esparru batzuetan ere. Gaur egun online guraso eskolak ere bideratzen ditu Errespetuko hazieraren, Haur prebentzioaren eta Aholkularitza filosofikoaren ikuspegitik eskainitako bide-laguntza moduan aurkezten ditu eskola hauek.

Hona hemen otsailaren 24ko saiotik eskaintzen digun zati bat.

Harreman osasungarriak familiaren baitan hasten dira eta hortik gizarterantz hedatzen dute bere indarra. Seme-alaba eta gurasoen arteko konfiantza, elkar ulertze eta errespetuzko komunikazioaren haziak landatzeko erronka partekatu nahi baduzu, hau da zure espazioa.

Gurasoen arteko elkargune honetan, haziera eta errespetuzko hezkuntzari buruzko gai espezifikoetan sakonduko dugu, eta, aldi berean, etxean egunerokotasunean aurkezten diren zalantzak eta erronkak landuko ditugu. Familia- edo gizarte-ingurunean errepikatzen diren harreman gatazkatsuei edo indarkeria-ereduei arreta emanez.