Gorbeialdeko 2010 eta 2013 urteen artean jaiotako gaztetxoek oporraldian euskaraz jolastu eta bertsoez gozatzeko, inguruko natura eta kultura hobeto ezagutzeko helburuarekin, Bertso Abentura bizitzeko aukera izango dute Pazko astean: norbere herritik gertuko lagun berriak egin, bertso munduan murgildu eta ondo pasatzeko aukera paregabea. Apirilaren 4tik 6ra, Arabako Bertsozale Elkarteak, Gorbeialdeko Kuadrillarekin elkarlanean, bertso-abentura antolatu du Espejon.

Iaz bezala, gainera, Lautadako Kuadrillako umeak ezagutzeko aukera izango dute, elkarrekin egingo baitute egonaldia. Apirilaren 4an (eguena) hasi eta apirilaren 6an (zapatua) amaituko da Bertso-abentura. Prezioa 50 €koa da Gorbeialdeko Kuadrillako parte-hartzaileentzat; 70 euro lautada eta Gorbeialdea eskualdeetatik kanpoko haurrendako.

Parte hartzeko izena emateko formularioa bete beharko da martxoaren 15a baino lehen.

Informazio gehiagorako, barnetegiari buruzko eskuorria ere jaitsi dezakezue.

Edozein zalantza, galdera, izanez gero, idatzi mezu bat honako helbideetako batera: araba@bertsozale.eus Arabako Bertsozale Elkartea edo euskara@gorbeialdea.eus Gorbeialdeko euskara zerbitzua.