Gabonetako opariak jasangarriago egitera bidean sortu dute Ekoetxeak, Kooperak eta Elkarguneak Trukegune proiektua. Haren bidez, abenduaren 3tik 5era bitartean Ekoetxea Sareko ingurumen zentroetan objektu ezberdinak trukatu ahal izango dira, gabonetako opariak poltsikorako eta planetarentzako jasangarriago egiteko asmoz.

Hala ere, jarraibide batzuk eman dituzte antolatzaileek. Lehenik eta behin, objektu jakin batzuk ekarri ahalko dira, eta horiek identifikatzeko gida bat osatu dute:

Bestalde, ekoetxearen webgunean azaldu dute “egoera onean” egon behar direla trukegunera eramaten diren gauzak. Azkenik, ekoetxe bakoitzaren ordutegia gogorarazi dute; ordu tarte horietan egongo da zabalik trukegunea ere.

Horrez gain, azaldu dute objektu bat hartzeko, ez dela beharrezkoa beste bat uztea, eta pertsona bakoitzak gehienez 5 gauza utzi eta beste 5 gauza hartu ahalko dituela. Azkenik, azpimarratu dute ez dela inolako ordainketarik onartuko objektuen truke.