Zugaztieta Trapagarango (Bizkaia) auzo bat da. Paraje zoragarria da mendi txangoak egiteko, eta, gainera, monumentu-multzo sailkapena du XIX. mendeko meatze-auzuneak. Euskal Herriaren industrializazioaren epizentroa da, eta baita ere horrekin lotutako Euskal Herrian eman ziren lehen langile mugimenduko pausoekin: saretzea, protestak, lehen sindikatuen sorrera…

Bertara heltzeko, BI-3755 errepide hartu behar da, eta Larreineta auzoa zeharkatu ondoren heltzen da Zugaztietara. Beste aukera bat da Larreinetako funikularra hartzea. Autoa bertan aparkatu eta funikularrean igo daiteke Zugaztietara. Ordu erdiro dago zerbitzua. Behin gora iritsita autobus bat dago Zugastieta erdiguneraino joaten dena. Mugi zein Barik txartelak erabil daitezke.

Jatorrian, funikularra Zugaztieta eta inguruetako meategietan lan egitera zetozen ehunka langileek eta meategietatik ateratako burdina haranaren behealdeko zamalekuetara eramateko erabiltzen zuten.

Meatzeari lotutako historia

Auzoa muino baten gainean altxatu zen antzinako meategien ondoan. Meategiak lur-azpiko ibaien emariagatik urez bete ziren, eta gaur egun herriaren ondoan bi laku handi daude –bainua debekatuta dago–. Udalak, lakuen inguruan, aisialdirako gune bat egokitu du eta lakuan hainbat hegazti bizi dira gaur egun.

Auzune txikia zen: 1870 aldera 400 pertsona bizi ziren. Meategien ustiaketak langile premia ekarri zuen eta 1911. urtean 3.000 pertsona bizi ziren bertan. Interesgarria da auzunearen historia ezagutzea. Hain zuzen ere, Ekoetxea dago parkean. Biotopo babestua da. Erraz heldu daiteke auzunetik oinez. Eguraldi onarekin, gainera, paseo ederra da eta hainbat bide daude markatuta hortik aurrera ere. Interesgune nagusietako bat Urallaga kobazuloa da. Ekoetxean ematen dituzte erraz iristeko gomendioak.

Aisialdia

Ekoetxean badago espazioa familian mokadutxoa egiteko. Bidean ere asko dira horretarako aukera ematen duten espazioak.

Bestetik, funikularraren Larreinetako geltoki ondoan belardi bat dago mahaiekin, sua egiteko lekuekin eta zaborrontziekin. Atseden hartzeko leku interesgarria izan daiteke.