Aurizberri edo –Auzperri erroibarreraz– Erroibar ibarreko kontzeju bat da, Euskal Herriko Nafarroa Garaia lurraldean kokatuta, Pirinioak eskualdean. Herria txikia da: 2020. urtean 233 biztanle zituen. Bestalde, 14 kale ditu.

Erroiberraren azalera handia dela eta, ordea, bi klima ezberdin dituzte eskualdean: iparraldeko klima azpiatlantiarra, pagadi ugari eta urte osoko prezipitazioekin, eta hegoaldeko klima azpimediterraneoa, basa pinuekin eta uda garaiko bi hilabete lehorrekin.

Aisialdia

Ingurune natural paregabean kokatuta egoteaz gainera ondasun nabarmenak dira:

  • Hilarrien museoa, tokiko hilerriko 25 hilarriko bildumarekin.
  • Iturissa baskoi-erromatar herrixka.

Guk umeentzeko jolas-parkea gehituko dugu. Hain herri txikia izateko jolas-parke oso interesgarria dute Aurizberrin. Egurrezko estrukturekin eta harearekin zein urarekin jolasteko aukera ematen duena. Aparkalekua, mahaiak, iturria, eta zaborrontziak ere badaude parkean. Herri erdigunean dago, elizaren parean.