Urtero lez, haur eta gazteentzako nobedade ugari aurkeztu dituzte Durangoko Azokan aurten ere, eta horietako bat gomendatzen dizuegu gaurkoan: Pamiela argitaletxearen Baga Biga Higa album irudiduna. Nazioarteko XVII. Compostela Saria jaso du, eta Pamielak euskaraz argitaratu du orain. Errimaz eta erritmoz beteriko txango dibertigarri bat kontatzen du, lagunak atez ate abenturara batuz doazen bitartean. Adiskidetasuna eta zoriontasuna ditu ardatz. Modu harmonikoan uztarturik daude jolasa, askatasuna, mugimendua eta umorea.

Opari aproposa izan daiteke gabonetan etxeko txikienei egiteko.