Negurako prestatu dituzten zenbait jardueraren berri eman dute Getxoko Sendi egitasmotik. Getxoko familien artean euskara sustatzeko ekimena da Sendi eta Egizu elkarteak koordinatzen du.

Euskarazko aisialdi eskaintza da. Argiarekin jolasteko tailerra, musika tresnak egitea elementu birziklatuekin, biodantza tailerra, Sorgina Piruliñak gidatutako tailerra eta ipuin kontaketak… Jardueretan izena emateko epea zabalik dago. “Kuxkuxeatu familientzat antolatuko ditugun jarduerak; seguru gaude ekintza batean baino gehiagotan parte hartuko duzuela”. Martxorako euskarazko iraupen eski asteburua ere antolatu dute. Informazioa hemen.

OLGETAN EUSKARAZ  jarduera ere martxan jarriko dute. 2 eta 5 urte arteko umeak dituzten familientzako ekimena da, haiekin euskaraz jolasteko eta kantatzeko.

Tailerren batean ume guztientzako lekurik ez dagoenean zozketa bidez erabakitzen da nork hartuko duen parte. Hemen izena emateko bete behar den formularioa.

Argibideak: 622 433 085 (Aitziber), sendigetxo@gmail.com edo  inprimakia bete.