Gaurkoan, arabako proposamen hezitzaile eta dibertigarri bat dakarkizuegu, Arabako bihotzean. Gasteizen dagoen Salburuako atariaz ari gara, eta baita hiriburuaren inguruetan dagoen animalien ezagutza eta behatze sareaz ere.

Ataria interpretazio zentrora joatea izan daiteke aukera bat, Salburuako parke naturalean zein hura inguratzen duen eraztun berdean ibilbide bat izatea beste bat, eta begiratokietatik urtaro bakoitzean urmaeletan bizi diren animaliak behatzea ere arrasalde pasa ederra izan daiteke.

Arkautiko urmaelaren inguruan, esaterako, oreinak ikusi daitezke. Urriko arratsaldeetan araldian dauden oreinen orroak ere entzuten dira. Betoñuko urmaelean, berriz, udaberrian ahate familia ugari egoten da. Atarian doan uzten dituzte prismatikoak, eta bizikletak alokatzeko aukera ere badago.

Informazio gehiago aurkitu dezakezue Salburuako atariaren webgunean.