Urtero bezala, iraileko lehenengo astean Txatxilipurdi elkarteko mintegia egin dugu GaraiOn-en. Bi egunez, talde izaera eraiki, hausnartzeko tarte hartu eta ikasturteko norabidea fintzen jardun dugu. ArrasateTIK eta Hezkuntza ez formaleTIK ekiten diegu egitasmo ezberdinei, tartean nazio ikuspegia dutenei ere. Horietako bat da guraso.eus egitasmoa ere. Goiena komunikazio taldearekin elkarlanean eta Arrasateko Udalaren babesean ekingo diogu ikasturte honetan ere guraso eta hezitzaileentzako edukiak sortu eta argitaratzeari. Baliabideak, hausnarketak edo albisteak argitaratuko ditugu egunero formatu ezberdinetan. Audio, bideo eta irakurgaiak tartekatzen saiatuko gara ikasturte berri honetan ere. Hasi dugu 25-26 ikasturtea!