Haurrak ipuinen munduan murgiltzeko helburua du Gora Musika-k, Korrontzik eta Bixente Martinezek elkarlanean sortutako Erraldoiak disko-liburuak. Hamabi kantu bildu dituzte; lau berriak dira, eta zortzi, moldatutakoak, eta guztiak Elkar estudioetan grabatu dituzte.

Kantu bakoitzeko ipuin bat idatzi dute Urko Oskozek eta Ana Jakak. Ipuin horietako bakoitzak erraldoi bat du protagonista: Joalduna, Zamaltzain, Ezpatatxiki, Boba, Otsagabiko Boboa, Otsagabiko Dantzaria, Erronkariar Gizona eta Erronkariar Anderea. Ilustrazioak, Lotura Filmsek egin ditu.

Zuzeneko emanaldiak ere bai

Bestetik, haurrek etxean irakurritakoa zuzenean bizitzeko aukera izango dute Disko-liburua osatutako kideek antolatutako emanaldietan.  Abenduan ekin zieten zuzeneko emanaldiei, eta datorren hitzordua Urtarrilaren 24an izango da, Hondarribiko Itsas Etxea auditorioan, 18:00etan. Martxoan berriz, Mungian eta Barañainen izango dira zuzenekoak. Hemen klikatuz ikusi daiteke egitaraua.

Erreportaje osoa ikusgai dago Berria.eus webgunean