Gaurkoan, zure izenaren hasierako letra nabarmenduta duen artelan pertsonal eta koloretsua egiten erakutsiko dizugu, gelako horman edo atean jartzeko aproposa izan daitekeena.

Materiala:

  • Kartulinak
  • Pintela
  • Zintza itsaskorra
  • Tenperak
  1. Lehenik eta behin gure artelanaren oinarria prestatu behar dugu. Horretarako kartulina bat itsatsiko dugu mahai gainean.
  2. Jarraian, zinta zatiak moztu eta kartulina gainean itsatsiko ditugu gure izenaren lehenengo letra irudikatuz.
  3. Behin euskarria prest daukagula, kartulina margotzeari ekingo diogu.
  4. Ondoren, berau lehortzen utzi beharko dugu.
  5. Behin kartulina lehortuta, zintza zatiak poliki poliki kenduko ditugu.
  6. Prest dago gure artelana!!!

Oharra: Guk letra bat erabiltzea erabaki dugu eskulana osatzeko, hala ere, artelan geometriko abstraktuak ere sortu daitezke teknika berdina erabilita.

Erabili irudimena eta sortu artelan ezberdinak!!!