Familientzako Baliabideen Gida EAEko erakunde publikoek familien eskura jartzen dituzten baliabideak bildu eta antolatzen dituen tresna digitala da eta baliabide horiek eskuratzeko moduari buruzko informazioa eskaintzen du. Erakunde publiko bultzatzaileak dira Eusko Jaurlaritza, Foru Aldundia eta Udalak eta tresnak kontuan hartzen dituen baliabideak honakoak: eskaintzen dituzten baliabideak honakoak: laguntza ekonomikoak, zerbitzuak, programak, webgune espezializatuak, katalogoak eta informazio-gidak.

Aplikazioa era guztietako familien premiei erantzuteko diseinatu dute: seme-alabarik gabeko familiak eta seme-alabak dituzten familiak, adineko pertsonak dituztenak, bi gurasoko familiak, guraso bakarrekoak, familia ugariak, berreratutako familiak, adopziokoak, mendekotasun- edo desgaitasun-premia zehatzak dituztenak, etxebizitzarekin arazoak dituztenak, zaurgarritasun-egoerak…

Nola kontsultatu Gida?

Gida bilaketa-tresna gisa eratu da, eta bilaketa-irizpide zehatzak aukeratu ahal dira familia bakoitzaren interesen edo beharren arabera erabilgarri izan dakizkieken baliabideen zerrenda lortzeko.

Emaitza bakoitzera sartuta, laburpen-fitxa kontsultatu ahal izango da, eta bertan aurkituko dira oinarrizko datuak: baliabidearen izena, zertan datzan, nori zuzenduta dagoen, argitaratuta dagoen webgunera zuzentzen den esteka bat, zer erakunde publikok kudeatzen duen (Eusko Jaurlaritzak, Foru Aldundiek edo Udalek), eta nola jarri harremanetan informazioa eskatzeko.