Bergarako 0 eta 3 urte arteko haurren zenbait amak Ai Ama! taldea sortu dute, emozioez eta beharrez hitz egin eta hausnartzeko. Parkean “amaitu gabeko elkarrizketei” jarraipena emateko edota egunerokotasuneko gaiei buruz “patxadaz” hitz egiteko aukerarik ez zutela ikusita, harremanak sendotzeko eta sarea osatzeko erabaki zuten herriko 0-3 urte arteko umeen ama taldea sortzea.

Ekimena duela urte eta erdi martxan jarri bazuten ere, atzo, osteguna egin zuten egingo dute herri mailako aurkezpena. Taldea aurkezteaz gain, Amatasuna feminismotik eraikitzen hitzaldia egin zuten.

Hilean behin elkartzen dira

Hilean behin elkartzen dira eta saio bakoitza gai batekin lotzen dute. Horren bueltan aritzen dira berbetan, eta hurrengo hileko gaia lotzen dute. Dagoeneko produktibitatea, limiteak eta arauak eta
etxeko eta familiako ospakizunak landu dituzte, besteak beste, eta zerrenda luzea daukate eginda; esate baterako: Non dago emakumea ama izan ondoren?; eta Erditze-ostea eta gorputza. Hala ere, taldearen beharren arabera beste gairen bat ere landu dezakete.

Adierazi dutenez, Ai Ama!-ren sarea handitu egin nahi dute. Hileko lehen azteazkenean izaten dute hitzordua, 17:30etik 19:30era, Bergarako Irizar jauregian. Taldera batzeko hitzordura agertu, aiama.taldea.bergara@gmail.com helbidera idatzi edo taldekideekin harremanetan jarri daiteke. Adierazi dutenez, Ai Ama!-ren sarea handitu egin nahi dute: