Gaur bikote-jolas bat sortzeko modu original bat erakutsiko dizuegu. Horretarako, arrautza kutxa bat erabiliko dugu. Guk lorez betetako larre bat irudikatu dugu gure jolaserako, baina bakoitzak irudimena erabiliz bere gustura apaindu dezake.

Materiala:

  • Kartoia
  • Arrautza kutxa
  • Tenperak
  • Pintzela
  • Arkatza
  • Artaziak
  • Kuterra

Pausuak

1. Lehenik eta behin, jolasaren piezak prestatuko ditugu. Horretarako, kartoian piezak marraztu eta moztuko ditugu.

2. Ondoren, piezak tenpera erabilita margotuko ditugu. Kontuan izan piezak bi zatitan banatu behar ditugula. Goiko zatia pieza guztietan berdina izan beharko da. Beheko zatia aldiz, binaka kolore berdina erabilita margotuko ditugu, bikoteak osatzeko.

3. Jarraian, kutxan ebaki batzuk egingo ditugu piezak bertan sartu ahal izateko.

4. Bukatzeko, piezak ebakietan sartuko ditugu.

5. Prest daukagu bikote jolasa.

Oharra: Arrautza kutxa bat baino gehiago erabil daiteke. Modu horretan pieza gehiago sortuz bikote-jolas handiago bat osatu dezakegu.

ARGAZKIAK