Ba al zenekien pottokei mamuten garaiko zaldiak ere esaten zaiela? Paleolito garaitik Euskal Herrian bizi izan diren zaldi zaharrenak dira, eta gure historian zein kulturan aztarna sakona utzi dute.

Uztailaren 26an, igandea, Arantzazu Parketxeak eta Pottokaleku Pottokaren Interpretazio Zentroak familientzako jarduera berezia antolatu dute, haurrek eta helduek pottokak gertutik ezagutzeko eta animaliekiko errespetua nahiz naturarekiko lotura sustatzeko.

Goizeko 11:00etan hasiko den bi ordu inguruko saioan, parte-hartzaileek pottoken historia eta bitxikeriak ezagutuko dituzte azalpen dinamiko baten bidez, eta euskal kondaira batekin osatuko da lehen zatia. Ondoren, Pottokalekuko pottokekin harreman zuzena izateko aukera izango dute: orraztu, laztandu, jaten eman, uhalak jarri eta gidatzen ikasi ahal izango dute. Gainera, etxeko txikienek pottoken gainean ibiltzeko aukera ere izango dute.

Familian edo lagunartean naturaz gozatzeko eta euskal ondare bizia ezagutzeko plan paregabea.

Noiz? Uztailak 26, igandea, 11:00etan (2 ordu inguru).
Non? Pottokaleku, Arantzazu.
Prezioa: 17 €; 3-12 urte bitarteko haurrentzat, 13 €.

Plazak mugatuak direnez, aurrez izena ematea beharrezkoa da. Oinetako egokiak eramatea gomendatzen da.

Informazioa eta izen-ematea:
943 782 894 / 699 335 183
arantzazu@gipuzkoanatura.eus
www.gipuzkoanatura.eus