Txernobylgo zentral nuklearreko istriputik 40 urte igaro diren arren, hondamendi haren ondorioek oraindik ere milaka familiaren egunerokoa baldintzatzen dute. Horri Ukrainako gerrak eragindako egoera gogorra gehitu behar zaio. Testuinguru horretan, Chernobil Elkarteak sustatzen duen harrera programak beste uda batez ateak zabaldu dizkie Ukrainatik etorritako haurrei. Aurten, guztira, 92 etorri dira. 36 Gipuzkoan izango dira, 32 Bizkaian, 17 Nafarroan eta zazpi Araban. Nabarmentzekoa da horietako hamabostentzat programan parte hartzen duten lehen aldia dela.

Uztailaren 1ean iritsi ziren Euskal Herrira, eta bi hilabete igaroko dituzte harrera familiekin. Egonaldiak atseden hartzeko eta ingurune seguru batean bizitzeko aukera emango die, euren eguneroko errealitate gogorretik urrun.

Argazkia: Donostiako Aquariumera egindako irteera. (Iturria: Chernobil elkartea)