Udan gaude jada, eta horrekin batera egun beroak ere iritsi dira. Urarekin jolastu eta freskatzeko garai aproposa da; horregatik, gaurkoan uretan jolasteko txalupatxo bat nola egin erakutsiko dizuegu.

Beharrezko materiala:

  • Kortxoak
  • Artilea
  • Arkatz bat
  • Rotulkiak
  • Kartulina
  • Artaziak
  • Silikona
  • Makiltxo bat

Egin beharreko pausuak

Bideoan

Pausuak

  1. Lehenik eta behin, gure txaluparen oinarria osatu beharko dugu, horretarako kortxoak elkarren artean itsatsiko ditugu. Artilez ere inguratuko dugu, oinarriak indar gehiago izan dezan.
  2. Txaluparen bela osatzeko, kartulina zati bat moztu eta nahi dugun bezala apainduko dugu, jarraian bi zulo egingo dizkiogu eta bertatik makiltxoa sartuko dugu.
  3. Bukatzeko, bela erdiko kortxoan sartuko dugu.
  4. Listo, prest dago gure txalupatxoa.

Argazkiak