Arrasateko Udal Bibliotekak LH3tik LH6ra bitarteko haurrentzat AzeriX izeneko irakurle kluba antolatu du. Dinamizatzailea Miren Amuriza izango da eta berarekin hilero euskarazko liburu bat deskubrituko dugu, irakurtzeko, sortzeko eta berba egiteko espazio berri batean.

Hitzorduak urriaren 29an eta azaroaren 26an izango dira, ostegunak biak, arratsaldeko 6etatik 7etara. Lehenengo saiorako irakurriko dugun liburua “Jakelinen egunerokoa” izango da, Nerea Ibarzabalek idatzitako lan umoretsu bezain irudimentsua.

Jarduera doakoa da eta plazak mugatuak dira. Izena emateko epea urriaren 7ra arte zabalik egongo da eta bibliotekan bertan edo webgunean egin daiteke: https://izenemateak.arrasate.eus/eu/irakurle_kluba