Hik Hasi aldizkarian Miren Camison irakaslearekin eta Nerea Mendizabal psikopedagogoarekin izan dira.

image_preview

Familiako harremanak begirunezkoak izan daitezen bi oinarri daudela zehazten da hikhasi.com webguneko Demokrazia etxean hasten da artikuluan. Zehazki, norbere burua errespetatzea eta haurren garapen-premiak asetzea dira bi oinarri horiek.

Miren Camison filosofo eta irakaslearen eta Nerea Mendizabal psikopedagogoaren arabera, seme-alabekiko harremanak errespetuzkoak izan daitezen, ariketa kontziente bat egin behar da, kulturalki eta sozialki jaso dugun eredua ez omen delako adeitsua izan: garrasia, zaplaztekoa, zigorra… Horrela, joera aldatu ezean, “boterea erabiliz harribitxi eder bat lortuko dugula pentsatzea alferrikakoa da”, diote adituek.

Norbere buruaz hausnartu

Adituen hitzetan, errespetuzko harremanen oinarria norbere buruarekiko harremanetik abiatzen da. “Norbere burua nola dagoen gakoa da ondokoekin ondo edo okerrago egoteko”, dio Caminosek. Bestalde, irakasleak gaineratzen du oihuak, zigorrak edo mehatxuak gailendu ez daitezen helduek euren barnera jo behar dutela: “Ez dugu horrela jokatu nahi, baina desio hori kognitiboa da”.

Artikulua osorik eta argazkiaren iturria hemen.