Argizaria pertsona guztiek duten zerbait da, baina batzuei gogortu eta tapoi bilakatzen zaie.
Helduetan bezala, haurrengan ere normala da belarrietan argizaria edukitzea, eta, Carolina Antonacciren ustez, ez da beharrezkoa kentzea. Baina zer gertatzen da argizari-tapoi bilakatzen direnean? Sarritan ez da jakiten kendu edo ez.
Argizaria, babes naturala
Argizariak funtzio bat betetzen du; hain zuzen ere, hauts, bakteria eta intsektu txikietatik barne-belarria babestea. Hoberena kanpoaldea garbitzea da, adituen esanetan, eta, horretarako, kalteak eragin ditzakeen tresnarik ez erabiltzea da onena. Argizaria pilatu, lehortu eta zikinkeria kanpora irteten da bakarrik.
Pertsona batzuek beste batzuek baino argizari gehiago izaten dute, eta tapoia sor daiteke, belarriko mina eraginez, esaterako. Eta orduan zer egin? Norberak kentzen saiatzea baino gehiago, Antonaccik medikuren batengana jotzea gomendatzen du, haren jarraibideak ezagutzeko. “Sarritan, belarria ur-epelarekin garbitu eta xurgatzea nahikoa izaten da, baina sendagileak esango dizu zein bide jarraitu”.
Edozelan ere, haur askok ez dutela sekula argizari-tapoirik izaten ekarri du gogora adituak.
Albistearen eta argazkiaren iturria hemen.