Zer da jolasa? Zertara jolasten dute gure seme alabek? Zein da gure, hezitzaile , gurasoon  rola haurraren jolasean? Noiz hasten da haurra jolasten?

Jolasari, jolas libreari, balioa eman diogu eta bere konplexutasunaz jabetu gara. Galdera asko ere sortu zaizkigu.   Jolasa aztertzen, ikertzen eta  esperimentatzen dabiltzan bi lagunekin hitz egin dugu. Itziar Arregi eta Txusma Azkona.

 

Itziar Arregi Landa

 

Itziar Arregi Landa naiz, Itziartarra. 1977an jaioa. Aurreko mendean pedagogia ikasi nuen, eta ordutik ikasten jarraitzen dut. Nere ibilbide profesionala helduekin abiatu nuen arren, tartean hartutako erabakiek Haur Hezkuntzara ekarri naute. Gaur egun Huhezin ari naiz lanean, Hazitegi ikertaldeko kidea naiz, eta Haur Hezkuntzako graduko irakasle izateaz gain, ikerketan ere ari naiz. Nire ikergai nagusia jolasa da une honetan. Aisiladian, herrian eta familian jolasaren garrantzia aitortzen hasiak gara, eta zer esanik ez eskola esparruan. Garapenari begira jolasak umearentzat balio handia duela ikusi den arren, eta denok jolastu dugun arren, jolasaren inguruko ezagutza zehatzago baten beharra antzeman dugu, umeari eskaintza eta akonpainamendu egokiago bat egin ahal izateko. Hori dela eta, eskolan jolasak duen presentzia, dituen ezaugarriak, hutsuneak… ikertzen ari naiz. Behar eta interes honek eraman nau begi bat jolasaren gainean izatera bai pertsonalki eta bai profesionalki.

 

 

 

 

 

 

 

 

 

Txusma Azkona


 

Txusma Azkona.Besteak beste, Haur Hezkuntzan Diplomatua eta Plisti Plasta egitasmoko kidea da.