Bizipoza elkartearen Mundu Berri bat guztiontzat proiektuak aukera eskaintzen digu elkarte ezberdinak ezagutzeko. Familiek osatutako elkarteak dira asko eta asko. Beste batzuk familia edo gurasoekin lan egiten dutenak, hori da AGIPASE elkartearen kasua.

1994. urtean sortu zen AGIPASE, Guraso Bananduen Gipuzkoako Elkartea. Banandutako guraso talde batek elkartea sortu zuenean;  banantze eta dibortzio prozesuetan esku hartzeko eta orientatzeko asmoz, ikuspegi psikologiko, juridiko eta sozial batetik laguntza eskaintzeko.

20 urte baino gehiago igaro ondoren, lanean jarraitzen du elkarteak familiei laguntzen, baina garaiekin batera elkartea bera ere aldatu egin da. Gaur egun krisi-egoera batean dauden familia mota guztiak artatzen ditu, bikotea hausteko prozesuan murgilduta egon ala ez.

Bizipozaren kantu eta bideoklipen proiektu honek, elkarteak eta sortzaileen arteko harremana ere sustatzen du; ikusgarritasuna, sormena, aitortza… sustatuz. Guraso.eus egitasmoan jarripena egingo diogu egitasmoari, elkarte eta sortzaileen lana ezagutzeko baliatuz. Kasu honetan AGIPASE elkartearen abestiaren letra egi zuen Ainhoa Agirrezaldegirekin hitz egin dugu; ¬†“Bizipoza” izan dugu hizpide bai eta abestia sortzean eta grabatzean izandako esperientzia.