Europa erdialdean eta iparraldean tradizio luzea du baso eskolaren ereduak, baina Euskal Herrian ere indarra hartzen doa pixkanaka. Mondragon Unibertsitateko Huhezi fakultateko Hazitegi ikertaldean lantzen dihardute.

Captura de pantalla 2016-05-13 a las 11.19.21

Argazkian Hazitegi taldeko Alex Barandiaran, Maitane Hidalgo, Naiara Zia eta Itziar Arregi

 

Haurren hezkuntza aurrerapen teknologikoetan oinarritzen ari da gero eta gehiago. Errealitate horren aurrean, bestelako hezkuntza ereduak aldarrikatzen dituzten guraso eta elkarteak daude eta baso-eskola da eredu horietako bat. Naturari garrantzia eman eta umea erdigunean kokatzen duen eredua da. Horretarako, lehen urratsa basoa ikasgela bihurtzea da.

Bi eta sei urte bitarteko haurrak espazio naturaletan hazten dituzte, naturarekin etengabeko kontaktuan. Alemanian lehen baso-eskola 1968an sortu zen, eta 1993a ezkero baso-eskola itunduak dituzte.

Huhezi fakultateko Hazitegi ikertaldeak 2001 ezkero darama haurtzaroaren garapen osasuntsuaren inguruko ezagutza eraikitzen. Bertako kide Alex Barandiaranen esanetan, “Europan tradizioa duen arren, nahiko eredu berria da Euskal Herrian eta interesa pizten ari da”.

Askotariko onurak

Umeak aire librean hezteak hainbat onura eragin ditzake. “Helburua haurrak bere testuinguru erreala ulertzea bada, bide aproposa da baso-eskolaren eredua”, adierazi du Barandiaranek.¬† Eredu tradizionaletan errealitatearekin jokatu beharrean, errealitatearen errepresentazioarekin jokatzen da. Baso-eskoletan, aldiz, errealitatea ukitu eta ikuspuntu global batetik jorratzen da. “Ez ditugu errealitate zatiak gelara eramaten, errealitateaz bertan¬† jabetzen direlako”, gaineratu du Itziar Arregik, Hazitegiko kideak.

Haurren garapen sentsorial, motor, kognitibo zein psikologikoan eragin positiboak edukitzeaz gain, haurrek gaixotasun  gutxiago hartzen dituzte. Eskandinavian eta Europa erdialdean hemen baino baldintza klimatiko gogorragoetan hezten dira, eta ikerketek baieztatzen dute osasuntsuago hazten direla.