‘Maite zaitut’ kantak 20 urte bete dituela eta herri omenaldi erraldoia egingo zaie Pirritx, Porrotx eta Marimotots pailazoei Barakaldoko BECen datorren maiatzaren 3an. Festa antolatzen herritar talde bat dabil eta talde honetako kide den Amagoia Mujikarekin hitz egin dugu festa kokatu eta bertaratzeko gogoa pizteko.

Pailazo hauen ibilbideak ez du efemeride zehatz bat 2025ean, baina beren kanta ezagunena denak (Maite Zaitut) bai beteko ditu 20 urte, eta hain zuzen Maite Zaitut Kultur Elkarteak antolatu du maiatzeko jai eta omenaldia.

Ekitaldia ez da Pirritx, Porrotx eta Marimototsen ohiko ikuskizun bat izango. Festa erraldoia omenaldi bat da, haien ibilbideari eta sortu duten unibertso magikoari eskainitako ikuskizun berezia. Pailazoak bertaratuko dira, baina publikotik eta oholtzatik omenduak izango dira.

Ikuskizuna zuzenduko Agurtzane Intxaurraga antzerkilaria: musikaz eta kanten egokitzapenaz arduratuko da Xabier Zabala, omenaldiaren gidoilaria izango da Ane Labaka bertsolaria. Oholtzan diziplina anitzeko artista ugari igoko dira, baina ez dute esan oraingoz nor.

Sarrerak 15 euroan https://www.nikeremaitezaitut.eus/ webgunean.