Adimen gaitasun handiko umeen inguruan aritu da lanean Amaia Agiriano (Aretxabaleta, 1976) azken urteetan. Adimen gaitasun handiko bi seme-alaba izateak eraman zuen aurreikusita zeuzkan arkitektura ikasketak utzi eta psikologia ikastera. Gerora Aupatuz Gurasoen Elkartean aritu da eta Handitzen kontsulta sortu du. Guraso.eus atarian ere badihardu kolaboratzaile moduan. Gehiago azaldu digu elkarrizketa honetan.