Aktualitatea

Amaiur Sainz: “Gure artean egoteak, haien bizi-itxaropena 18 hiletan igotzen du”

2020-01-18 2 iruzkin

Chernobilen Lagunak irabazi-asmorik gabeko elkartea da eta helburu nagusia Chernobilgo zentral nuklearrean (Ukraina) 1986an izandako istripuagatik kaltetuak izan diren adingabeen osasuna hobetzen laguntzea da. 

Amaiur Sainz, Chernobilen Lagunak elkarteko kidea

Zein da umeek Ukranian bizi duten egoera?

Umeak Kieveko probintzian bizi dira, zentral nuklearretik 50 kilometrotara, erradiazioaren 3. eremuan. Erradiazio 1 eta 2 eremuetan ezin da inor ez bizi, kutsadura gehiegi dagoelako. Beraz, mugan bizi dira eta bertan bizitzea oso arriskutsua da. Gainera, bertako familiak maila baxukoak dira eta landatutako janaria jaten dute. Lur hori kutsatuta dagoenez, kalteak oraindik handiagoak izaten dira.

Zeintzuk dira Euskal Herrira ekartzearen onurak?

Gure artean denboraldi bat igarotzean haien immunitate-sistema indartzen da, bizi duten erradiazio nuklearrarekiko etengabeko esposizioak eragindako ahuleziaren aurka egin eta indarra berreskuratzen dute. Era berean, istripu nuklearraz geroztik etsitako eremua denez, adingabeen bizi-kalitatea hobetzen laguntzen du. Osasunerako Mundu Erankundearen ikerketak dio gure artean hilabete bat egoteak, haien bizi-itxaropena 12 eta 18 hile bitartean igotzen duela. 

Bestalde, hona datozenean, gizarte segurantzak beste seme alaba bat izango balitz bezala aitortzen dituzte. Beraz, laguntzak daude eta haien osasunerako izugarri ona izan daiteke.

Zuek Makarren familia izan zarete. Nolakoa izan da esperientzia?

Esperientzia bikaina izan da. Makarren bitartez gure seme alabek ere beste errealitate bat ezagutzen dute. Hasieran pixkat lotsatuta zegoen, baina nire seme alabekin oso ondo eraman da. Danok hurrengo uda heltzea desiatzen gaude. Beraz familia denak animatu nahi ditut proiektu honetan parte hartzea. Gainera aipatu nahi dut harrera familientzako ez dagoela perfil berezirik. Askok galdetu didate ia bikoterik gabe… harrera familia izan daitezkeen, eta bai, izan daitezke. Adin guztietakoek, bikotedunek edo ez… Edozeinek parte hartu dezake.

Makarren harrera eguna

Parte hartu nahi duten familiek nora jo behar dute?

http://chernobilenlagunak.com/eu/  webgunean informazioa duzue. Gainera, harrera familia izateaz gain, beste modu batzutan lagundu daiteke. Izan ere, dirua eman nahi duenak kontu korrontea topa dezake gure webgunean. 30 urte pasa dira istriputik baina oraindik arazo asko daude bertan. Mundu guztia parte hartzera animatzen dut!



2 iruzkin "Amaiur Sainz: “Gure artean egoteak, haien bizi-itxaropena 18 hiletan igotzen du”"

  1. Avatar
    Amaiur Sainz Larrañaga
    2020-01-18 Erantzun

    4 familia falta zaizkigu aurtengo udarako. Animau!!!

  2. […] artean egoteak haien bizi-itxaropena 18 hiletan igotzen du”. HEMEN – guraso.eus/ “Estar entre nosotros les alarga la esperanza de vida 18 meses […]


Zure iritzia partekatu nahi duzu?

Zure eposta ez da argitaratuko. Derrigorrezko eremuak * bidez markatuta daude.

Utzi erantzuna