“Zoriontasuna eta ongizatea, horixe da gurasoek seme-alabentzat nahi dutena. Eta hori helburu aldiro ari dira erabakiak hartzen, izan elikaduraren inguruan, edo osasunarenean, nola lotarako errutinen inguruan… beti dabiltza hautu egokienaren bila. Bada, horietan bezala, hizkuntzarekin lotutakoak ere sarri hartzen dira.“

Eta batzuetan erabakiak hartzea ez da nahi bezain erraza. Informazioa falta zaigula iruditzen zaigu, gai guztietan jantzita egotea ezinezkoa dela, ondokoari entzun arte gai horretan inoiz ez dugula pentsatu… Horri begira, hain zuzen ere, eta inor ez denez ikasia jaio, ERA Eskola sortu zen 2020an: gurasoentzako trebakuntza online.

Guk, guraso.es egitasmora ekarri ditugu III. ERA eskolako hitzartzeak. Gaurkoan Amelia Barquinen husnarketa da proposatzen duguna.

Hizlaria: Amelia Barquín honako gaietan da idazle, hizlari eta irakasle: hezkuntza, kulturartekotasuna, generoa eta hizkuntza. HUHEZI fakultatean irakaslea eta ikerlaria da (Mondragon Unibertsitatea), eta bertan Irakasle Graduan jarduten da nagusiki.

“Kulturarteko hezkuntza, euskara eta familien hizkuntzak” hitzaldia ERA Eskolen hirugarren edizioan eskaini da, 2023ko abenduan, hiru gai edo bideo-piezatan sailkatuta.