Irratiaren egunean iragarri zuen Nahia Alkortak, Sabeletik Mundura ekimenetik podcast berri bat sortzen zebilela. Ama(t)asunak. Ekimenaren aurrerapen txiki bat ere eskaini zuen. Berarekin hitz egin dugu egitasmo berriaren nondik norakoak ezagutzeko. Ikuspegi feministetatik amatasuna lantzea da Nahiaren asmoa; benetako amatasunaz, min egiten duen horretaz ere hitz egitea. Honetarako elkarrizketak izango ditu oinarri eta hausnarketa ezberdinak ere izango ditu saioak.

“Zer da amatasuna? Zer da ama izatea? Zerk eramaten gaitu ama izatearen edo ez izatearen erabakia hartzera? Emakume nortasunari, eta honekin batera, ama nortasunari esleitutako ezaugarriak berezkoak dira? Ama gara edo haurrak izaten ditugu? Erabaki pertsonal zein politikoa da? Zaintzak erdigunean daude?…”

Pikara magazine